Ang Gabay ng Tunay na Lalake Sa Kababaihan

A Real Man's Guide to Women ika nga sa Ingles. Isang guide upang maintindihan mo, bilang isang tunay na lalake, ang iniisip at nararamdaman ng mga kababaihan. Mayroon ka bang sinisinta ngunit hindi mo alam kung paano mo uumpisahan ang iyong diskarte? Palagi ka na lang ba nababasted o ipinagpapalit sa mga lalakeng alam mong sasaktan lang siya? Palagi ka bang na-ffriendzone? Kung ang sagot mo sa isa sa mga tanong na yan ay "oo", makinig ng mabuti at aking ilalantad sa iyo ang katotohanan tungkol sa mga babae.

Ang mga nasusulat dito ay malamang ikabibigla mo. Dahil karamihan dito ay taliwas sa itinuro sa iyo ng iyong ina. Naiintindihan kita at hindi ka nagiisa. Kung ang aking ama ay tinuruan ako ng ganitong bagay sa kababaihan imbes sa aking ina, malamang ay hindi ko din dadanasin ang mabigo sa pag-ibig. Ngunit dahil sa naranasan ko na ang mga iyan, akin itong ibabahagi sayo.

Buksan ang iyong isip at pagisipan ang aking mga sasabihin, dahil kung hindi mo man mapaibig ang babaeng gusto mo, sa pagsunod sa mga nakasulat ikaw naman ay magbabago tungo sa pagiging tunay na lalake na hinahanap ng lahat ng babae.

Matutong makipagusap at maglahad ng emosyon

Ang isang tunay na lalake ay marunong makipagusap sa lahat ng klase ng tao. Mahirap, mayaman, edukado man o hindi. May alam sya sa lahat ng bagay at higit sa lahat, alam nya ang mga bagay na hindi nya alam. Ang isang tunay na lalake ay marunong maglahad ng kanyang emosyon. Isang bagay na gusto ng kababaihan dahil sa sila ay may emotional needs. Gusto ng isang babae na in touch ang kanilang lalake sa kanilang emotional side, hindi parating brusko at pamacho, kundi "vulnerable" sa ibang tao, dahil emosyon lamang ang lengguahe na kanilang naiintindihan.

Health o Kalusugan

Ang isang tunay na lalake ay umaako ng responsibilidad. At ikaw ay may responsibilidad sa iyong mga mahal sa buhay. Sa iyong magulang, sa iyong mga kapatid, sa iyong mga kaibigan at sa iyong iniibig o iibigin. Bagkus, upang magampanan ang lahat ng ito, kailangan mong alagaan ang iyong sarili, una sa lahat.

Ang pagiging responsable ay nagbibigay ng senyales sa mga kababaihan na ikaw ay maasahan. At ang kanilang "senses" para sa "security" ay magbibigay sa kanila ng senyales upang ikaw ay mapansin. Nais ng mga babae ng security at ang iyong pag-ako sa mga responsibilidad na ito ay magbibigay sa kanya ng bagong pagtingin sa iyo. At dahil sa iyong pag-aalaga sa katawan, gaganda ang iyong postura at magiging kaakit akit sa pisikal na aspeto.

May mga scientific studies na nagsasabi na ang pageehersisyo ay nagpapataas ng testosterone sa mga kalalakihan. Ang testosterone ay ang "manly hormones". Kung marami ka nito, natural na maaattract ang mga babae sa iyo. Basta't ito ay natural mo nakuha at hindi injection.

Power o Kapangyarihan

Sa pinakatuktok ng mga katangian ng hinahanap ng babae sa lalake, ang pinakaimportante sa lahat ay "power". Power easily translate to security. Ito ang dahilan kung bakit ang mga politiko ang nakakapag-asawa ng mga artista. Ito din ang dahilan kung bakit mga negosyante ang nakakapag-asawa ng mga modelo, mga "gangster", kriminal at bad boys..

Kung malaki ang responsibilidad mo sa maraming tao, mas malaki ang power na hinahawakan mo. Ito ang dahilan kung bakit nirerespeto ang mga lolo, ang mga tatay, at ang mga CEO ng malalaking kumpanya.

Kung kaya, iyo dapat pagisipan ng mabuti, kung paano ka magiging isang leader, isang lalakeng maasahan ng lahat.

Wisdom at Experience

Ang mga babae ay inlove sa kanilang mga ama. Kung kaya, ang kanilang tipong lalake ay mahahawig sa ugali ng kanyang ama. Bilang isang tunay na lalake, iyong responsibilidad na matuklasan ang mga bagay sa mundo. Matuto ng ibat ibang klase ng bagay. Makaexperience ng maraming bagay. Magbasa ng maraming libro. At hindi lamang tungkol sa trabaho, sitwasyon ng gobyerno o kakulangan sa pera ang inyong paguusapan.

Pagiging Maalalahanin (Warmth)

Power, Wisdom at Warmth. Kung iyong magagawa ang lahat ng ito, hindi lamang mga kababaihan ang maakit sayo. Kundi pati narin ang mga lalake. Hindi sa romantikong paraan, ngunit magbibigay daan ito upang lumapit ang iba pang tunay na lalake sa iyo. At ang grupo ng mga tunay na lalake ay talaga namang empowering.

May Paninindigan at Respeto sa Sarili

Ang mga bidang lalake sa mga romance movies ay kadalasan isang "head over heels" na inlove na inlove sa babae na gagawin ang lahat para sa babae. Isang taong ibebenta ang kanyang kidney para lang sa kanyang iniirog. Marahil ito nga ay isang sign ng pagibig. Ngunit ang tunay na lalake ay may respeto sa sarili.

Ang isang tunay na lalake alam kung sya ay pinaglalaruan lamang ng mga babae. Ngunit hindi sya magagalit sa oras na malaman nya ang katotohanan. Ang isang tunay na lalake ay hindi papayag na gawin ang lahat para sa babae. Kundi gawin ang lahat kasama ang babae.

Do not do things for her. Do things with her.

Ang nakakalimutan ng ibang mga lalake ay ang katotohanan na ang mga babae ay tao rin. Hindi sila Diyos na kailangan mong ilagay sa pedestal at sambahin. Kung ito ay iyong gagawin, mawawala ang respeto nya sayo at iisiping isa ka lamang sa mga lalakeng nakilala nya dati na walang sariling paninindigan, walang sariling isip at boring.

Ituring mo syang "equal" dahil ito ang katotohanan. At ang kapalit nito ay respeto para sayo.

Hindi Maari Maging Magkaibigan ang Lalake at Babae

Kapag nagsama ang lalake at babae bilang magkaibigan, darating ang panahon na isa sa kanila ay maiinlove. Kadalasan ang lalake ang bumibigay dahil sa ating natural na paraan sa paghahanap ng partner. Ngunit kung mainlove ba ang pareho sa isa't isa ay isa paring tanong. Sa madaling salita, ang mga lalake na lumalapit sa babae na may layuning kaibiganin ito upang maging potensyal na nobya ay mga duwag at gusto lamang ng "safe" na daan sa pag-ibig.

Gawin mo ito at ikaw ay ma-ffriendzone. Kung kaibigan ang iyong pakilala sa babae, kaibigan ang iyong matatanggap. Mahirap para sa mga babae na halikan sa labi ang kanilang mga kaibigang lalake. Sa parehong dahilan na mahirap para sa kanila na isipin ang isang kaibigan bilang isang romantikong partner.

Ang nararapat mong gawin ay magpakilala bilang isang partner. Sa umpisa pa lamang ay maging direkta sa iyong layunin sa kanya. Sabihin ang iyong nararamdaman at magpatawad kung ito ay kanyang ikinabigla. Ika nga sa kanta, "ipagpatawad mo, minahal kita agad...".

Ang tunay na lalake ay alam ang kanyang gusto at hindi nag-sesettle sa mga bagay na hindi nya gusto (tulad ng friendship) dahil ayaw nya lang ma-reject. Ang isang tunay na lalake ay hindi nahihiya sa sasabihin ng iba. Hindi ginawa ng Diyos si Eba para maging kaibigan lang ni Adan.

Hindi Mo Sya Pag-aari

Ang isang tunay na lalake itinuturing ang mga babae bilang isang tao, hindi isang bagay. Ang babae ay hindi isang kotse na matapos mong paghirapan ay iyo lamang gagawing pangdisplay at papalitan matapos mong magsawa. Hindi ito isang bagay na iyong ipagkakait sa mga taong malapit sa kanya (possessive). At hindi sila isang bagay na iyo nang hahadlangan upang makakilala ng iba pang tao (jeaslousy).

Hindi mo sya dapat ikulong, kundi maging suporta sa kanyang mga pangarap sa buhay.

Ang isang tunay na lalake ay confident sa kanyang sarili. Confident sa kanyang minamahal na kaya nyang suportahan sa kahit na ano man ang kanyang gusto, gawin ang kanyang pangarap, makipagkita sa kanino man, hangga't alam ng isa't isa ang kanilang hangganan. Kung mainlove man ang babae sa ibang tao habang kayo ay magnobya, para sa tunay na lalake, ito ay kapalaran. At hindi isang dagok sa kanyang pagkalalake.

"Do not cry because its over. Smile because it happened."

Matutong Makinig

Ang pakikinig ay mahalaga sa pakikipagusap sa babae. Ang babae ay palaging naghahanap ng tao na kaya nyang makipag-connect emotionally at ang pakikinig ay ang pinakamadaling paraan para magawa ito. Kung ikaw ay nakikinig, ang lahat ng atensyon mo ay nasa kanya. At kung ikaw ay sincere sa pakikinig, ito ay katumbas ng 1000 compliments ng hindi ka nagsasalita.

Ang sincere na pakikinig ay isang compliment sa babae. Sanayin mo ang sarili mong makinig sa kanila ng taos puso.

Pagiging Maginoo (Chivalry)

Sa modernong panahon meron pa ba nito? Marahil wala na. Pero naniniwala ako na ang pagiging maginoo ay nararapat lamang gawin ng isang tunay na lalake. Kung may mga rules of engagement ang mga sundalo sa pakikipaglaban, ito ang rules of engagement ng mga tunay na lalake.

Ang tunay na lalake ay maginoo. Sa lahat ng oras. Ipagbukas ng pinto, pagbabayad ng "meal", pag-compliment sa kanyang itsura, pagbubuhat ng kanyang bag at kung ano ano pa.

Mga maliliit na bagay na sa tingin natin ay bale wala lang ngunit napapansin ng mga babae.

Ang Sinasabi ng Babae ay Kadalasan Hindi Akma sa Kanyang Gusto

Ang mga babae ay emosyonal. Kung sinabi nyang mahal ka nya, mahal ka nyang talaga. Pero iyon ay totoo sa oras na iyon. Dahil sila ay nagdedesisyon sa kanilang emosyon, ito ay maaring magbago sa hinaharap at hindi ka maaring magalit dahil dito o sabihan silang sinungaling, sila ay nagiging totoo lamang sa kanilang sarili.

Ang mga babae ay tapat sa kanilang nararamdaman, ito ay totoo, ngunit ito ay totoo lamang sa eksantong pagkakataon na yun. Maari itong mabago mamaya, bukas, sa susunod na buwan o taon. Kung kaya, kung minsan iba ang kanilang sasabihin dahil ayaw ka nilang masaktan o masabihan ng hindi maganda. At kailangang matutong tumingin sa sinasabi ng kanilang kilos, hindi sa sinasabi ng kanilang bibig.

May Pangarap Sa Buhay

Nais ng isang babae ang lalake na may pangarap sa buhay. Hindi lamang sa salita, ngunit may pruweba na ikaw ay gumagawa ng paraan upang makamit ito. Madaming lalake na sa tingin nila na ayos na ang magkaron ng pangarap. Lahat ng tao ay may pangarap. Ngunit iilan lang ang may lakas ng loob upang habulin ito. At dito naiiba ang tunay na lalake. Ang tunay na lalake ay hindi lang basta nangangarap, kundi umaaksyon patungo sa pangarap na ito.

A Man of His Word, A Man of Honor

Ang tunay na lalake ay binibigyang halaga ang kanyang salita at mga pangako sa ibang tao. Kung siya ay nangako na magiging tapat, ang isang tunay na lalake ay gagawin ito. Kahit ano man ang mangyari.

Maging Loyal

Ang ating kultura ay sinusukat ang pagiging lalake sa pagiging playboy. Sa aking palagay, ito ang ginagamit na sukatan ng mga bata sa paramihan ng laruan. Hindi nya ginagamit ang babae bilang laruan o scoreboard. Totoo na maaring magkaroon ng mga relasyon habang ang isang lalake ay "commited", ngunit ang isang tunay na lalake ay hindi gagawa ng ikasasakit ng kanyang mahal, habang sila ay magkasintahan.

Ang Tunay na Lalake: "I'm A Lover Not A Fighter"

Si Jose Rizal ay isang tunay na lalake dahil sya ay isang lover at fighter. Alam na natin ang lovelife ng ating pambansang bayani. Ngunit alam nyo ba na isa rin syang bihasang "fencer" at mahusay sa pag-gamit ng baril ("pistol") bago pa man pasikatin ni Lito Lapid ang mga paltik sa kanyang pelikula.

Ang sikat na katagang "I'm a lover not a fighter", kadalasan ay ginagamit kapag medyo umiinit na ang sitwasyon at ang nagsalita ay magbibigkas ng kataga upang mabigyang rason ang kanyang hindi pag laban. Kadalasan, ginagamit sa maling konteksto.

Hayaan mong bigyan ko ng linaw kung saan at kelan mo gagamitin ang salitang iyan. At kung kailangan mo pa bang banggitin?

Ang isang tunay na lalake ay marunong magmahal (lover). Ang isang tunay na lalake ay marunong din lumaban (fighter). Bagkus, ang isang tunay na lalake ay both lover and a fighter.

Ang isang lalakeng tanging pag-ibig lang ang alam, ay parang si Prince Paris sa storya ng Troy. Itinakas nya si Helen dahil sa mahal nya ito. Pag-ibig lamang ang kanyang inatupag. Hindi nya kayang ipagtanggol ito at nawala ang kanyang kaharian kapalit nito.

Ang isang lalakeng puro pakikipaglaban lang ang alam ay parang si Achilles. Hindi rin naging maganda ang naging storya sa kanya dahil sa kanyang kagustuhan makipaglaban.

Ang punto naten dito ay ang balanse ng pag-ibig at pakikipaglaban.

Maari mong ituring na ito ay Yin at Yang. Sa Yin Yang, ang Yin ay ang dark side, "destruction", pagkasira, maari mong ihalintulad sa pakikipaglaban. Ang Yang, ay ang light side, "creation" o pagibig. Ikaw ay kombinasyon ng Yin at Yang, ikaw ay kombinasyon ng pagibig at pakikipaglaban, dahil hindi kaya mabuhay ng dalawa kung wala ang isa.

"Paano mo maipaglalaban ang pagibig mo kung hindi ka marunong lumaban?" Sa kaparehong tanong, "Anong dahilan mo lumaban kung wala kang iniibig?"

Kung ang nobya mo ay binabastos, hindi mo maaring banggitin ang katagang "I'm a lover, not a fighter" at umasang matatakot ang tao. Maari kang magpumiglas at magbanta, o subukang manuntok, pero nakasuntok kana ba dati? Malaki sa malamang, hindi tatama ang suntok mo, masasapak ka, mawawalan ng malay at magugulpi. Ang nobya mo? Nasa kamay ng mga laseng na tambay at gagawing pulutan. Sisisihin mo ang sarili mo, sisisihin ka nya. Mawawala ang pagibig ng buhay mo.

Ang isang tunay na lalake, marunong tumingin ng kanyang kahinaan. Dahil wala syang ibang prioridad kundi mag-improve at maging karapat-dapat na lalake sa babaeng pinakamamahal nya.

"A Man Provides" ika nga ni Walter White. At ano ba ang importante para sa mga babae? Ano ba ang dapat mong iprovide bilang isang tunay na lalake? Ang sagot: emotional needs at security. Kailangan nila ng isang lover at fighter.

Sa puntong ito, marahil kailangan kong magbigay ng isang matibay na example upang maintindihan mo ang gusto kong iparating. Marahil ang mga babae sa buhay mo ay palaging nagpapahiwatig sa iyo na maging lalake ka sa mga soap operas, love story at romance movies. Marahil ang mga maliliit na pahiwatig na ito ay nagbigay sa iyo ng ideya na maging isang "Romeo" upang maka-akit ng dilag.

Sa puntong ito din, nais kong sabihin sa iyo na si Romeo ay isa lamang lalakeng marunong magmahal. Ngunit hindi marunong lumaban. Sinong tunay na lalake ang tatanggapin ang kamatayan para takasan ang kanilang problema? Gusto kong isipin mo bilang isang Mr. Mustachio, na ang tunay na lalake ay hindi parang Romeo, kundi isang James Bond. Marunong umibig at makipaglaban.

Kung ganito ang iyong magiging idea ng isang tunay na lalake, bilang isang lover at isang fighter, magkakaroon ka ng panibagong bugso ng kumpyansa sa sarili. At ang confidence na yan ang mag-aakit ng mga dilag (kung ikaw ay binata pa) at karagdagang pagmamahal sa iyong misis or nobya kung ikaw ay "taken" na.

Ano ang solusyon sa mga "Lover not a fighter"? Madali lang yan, matutong makipaglaban. Mag-enroll sa isang boxing gym, magtake ng martial arts lesson. Basahin ang mga libro ng mga mandirigma ng mga unang panahon. "Sun Tzu's Art of War" at "Book of Five Rings" ni Miyamoto Musashi ay magandang panimula. Tandaan mo, ang tunay na lalake ay marunong din magbasa.

Sa kabilang dako, ang "I'm a lover, not a fighter" ay maaring mong banggitin, sa sitwasyon lamang na ang pakikipag-away ay sa mahal mo. Halimbawa na lang, kung kayo ay may di pagkaka-unawaan ng iyong minamahal, sa sitwasyong ito ang "I'm a lover, not a fighter" ay nararapat lamang sabihin.

Kung kayo ay nag-aaway ng iyong nobya, sabihin mo sa kanya na you're a lover and not a fighter. Ipakita mo sa kanya na ayaw mo na nag-aaway kayo. At tiyak kong magiging masaya ang pagsasama ninyo. Hindi ito pagiging under the saya. Papalipasin mo lamang ang kanyang galit sa pamamagitan ng paglalabing sa kanya, at tyaka nyo pagusapan pag malamig na ang ulo nya kinabukasan. Ang tunay na lalake ay kalmado sa lahat ng oras. Mapagmahal sa kanyang mahal sa buhay, ngunit isang bangungot sa mga nagkakamaling saktan sya.

Hanggang sa susunod,
Mr. Mustachio

Ang Tunay Na Lalake: Ang Panimula

Paano ko ba ito sisimulan? Marahil sa pagiging dismayado sa nakikita sa tv, si Mr. Mustachio ay nagkatawang tao galing sa planeta ng mga tunay na lalake, na kung saan ang panahon ay na-stuck sa panahon ng mga bayani at mandirigma - panahon ng sining at kultura, upang ibahagi sa lahat ang karakter na nakalimutan na ng mga lalake at ipaalala sa kanila kung paano ba talaga maging isang tunay na lalake, tulad ng ating mga lolo.

Si Mr. Mustachio ay isang lalakeng nangarap din, tulad ng ibang mga binata, na magkaron ng limpak limpak na mga babae at nobya, ngunit sa kanyang pag hahangad, kanyang natuklasan na ang pagiging tunay na lalake ay hindi nasusukat sa dami ng babaeng ikinama. Ang kanyang natuklasan sa kanyang paghahanap, isang "lifestyle", isang "framework" na kung saan maaring mong gamitin, bilang tunay na lalake, upang maging gabay sa iyong pamumuhay, na kung saan ikaw ay irerespeto at titingalain ng mga tao at kababaihan at mabuhay ng maligaya.

Isang tunay na lalake na seseryosohin ng lahat, ngunit gugustuhin makasama. Isang tunay na lalake na gugustuhin ng kahit sinong magulang para sa kanilang anak. Isang tunay na lalake na karapat dapat lang maging ama sa kanyang mga anak. Isang tunay na lalake na "may alam" sa buhay. Hindi lang sa pamimili ng sabong panlaba kundi sa pagharap sa buhay na walang katiyakan at magkaron ng tiwala sa sarili upang malampasan ito, sa lahat ng oras at pagkakataon.

Nandito si Mr. Mustachio upang turuan ka maging isang tunay na lalake. Mga karakter at framework na kinalakihan ng ating mga ninuno ng ating mga lolo. Mga totoong ginoo ng kasaysayan, sa modernong konteksto, na nawala na dahil sa mga palabas sa telibisyon at pagbibigay ng maling importansya sa mga pabling at palikero. Si Mr. Mustachio ang magbibigay sayo ng lakas ng loob at magtuturo kung paano mo lalapitan at maimpress ang babaeng matagal mo nang pinapangarap. Sya ang magtuturo sayo kung paano mo maiaahon sa hirap ang iyong pamilya.

Nadidismaya si Mr. Mustachio kapag nakakakita sya ng lalakeng na-ffriendzone, isang lalakeng mas madami pang nilalagay sa kanyang mukha kesa sa nanay nya. Mga lalakeng malalaki ang katawan ngunit kapag nagsalita na, walang laman. Sa kanyang gabay, ibabahagi nya sayo kung paano maging isang tunay na lalake.

Makinig ng maiigi dahil ang sasabihin nya ay pawang katotohanan at nababase sa experience. Walang halong bluff o sales pitch.

Bakit nya ginagawa to? Dahil ang tunay na lalake, tumutulong sa kapwa nya tunay na lalake.

P.S. Marahil napansin mo na, ang blog na ito ay hango sa isang site na may halos kaparehong pangalan. Maganda ang kanilang hangarin upang magbigay aliw, isa silang tunay na lalake sa puntong iyon. Ang blog na ito ay naiiba dahil layunin nitong magbigay gabay sa mga lalakeng nais matutong maging tunay na lalake at isabuhay ito.